Malatu crònacu
Tota Gallelli Giovedì 26 Marzo 2009 @ 07:00
‘Stu pajìsi ‘e Badulato
toccàu ‘u fundu da sventura:
o fu propriu jestimatu
o fu vera jettatura.
Non si fida ‘u si ripigghja
‘e ‘su corpu ‘e malaria,
botta ‘e sangu mu nci pigghja
all’anòfala zanzara.
‘A frevi no nci spogghja
non trova cchjù riparu
è giallu com’a pagghja
pe ‘su caninu amaru.
Nuhru mònacu do cummentu
trovàu pe nu scungiuru
‘u mu sulleva do sgomentu
‘u nci fa luci nte ‘stu scuru.
Mancu ‘u mèdacu speciala
cu tanta fama ‘e bravura
chi arrivàu da capitala
nci trovàu ‘a mistura.
Nuhru signu ‘e maggiurìa
cu tanti mèdaci ahru cantu
è conzatu all’agonìa
aspettandu l’ogghju santu.
- Versi
- 742 views
Gil Botulino è il gazzettino badolatese di libera informazione, che vanta zero tentativi di imitazione. Foto, Video, Musica, Libri, Appuntamenti, Promozione, Newsletter. Tutto gratis. Puoi supportarlo, offrendo una birra al prezzo di 5 Euro. Puoi offrire quante birre ti pare sul nostro conto PayPal.
